Miliarderi i ekstremit të majtë, George Soros, ka derdhur më shumë se 50 milionë dollarë në një rrjet grupesh që simpatizojnë Iranin.

Kështu raporton e përditshmja amerikane NY Post.

Sipas gazetës, anëtarët e këtyre grupeve kanë fituar ndikim të konsiderueshëm brenda Shtëpisë së Bardhë të Biden.

Ata po përpiqen që të shfuqizojnë sanksionet e SHBA ndaj Teheranit dhe po mbrojnë miratimin e një marrëveshje të rinovuar bërthamore.

Të dhënat e shqyrtuara nga NY Post, tregojnë se Soros ka dhënë mbi 46.7 milionë dollarë vetëm për një grup të tillë që nga viti 2016.

Bëhet fjalë për Grupi Ndërkombëtar të Krizave, një institut i majtë i lidhur me një komplot të supozuar iranian për të manipuluar politikën amerikane.

Robert Malley, ish-i dërguari i posaçëm i SHBA në Iran, aktualisht nën hetim nga FBI për keqpërdorim të materialeve të klasifikuara, ishte president i këtij instituti deri kur iu bashkua administratës së Biden në vitin 2021.

“Soros ka financuar vazhdimisht organizata që veprojnë si apologjetë të regjimit iranian- duke minimizuar abuzimet e rënda të të drejtave të njeriut dhe duke punuar për të çuar përpara propagandën iraniane,” tha Gabriel Noronha nga grupi i ekspertëve ‘Polaris National Security’.

Paratë e Soros ndikuan në formimin e institutit që në vitin 1994 dhe miliarderi ishte administrues i besuar për vite me radhë, përpara se vendin t’ia kalonte djalit të tij dhe trashëgimtarit ideologjik, Alexander Soros.