Presidenti i Autoritetit Palestinez Mahmoud Abbas ka thënë se vetoja e SHBA-së ndaj një rezolute të Këshillit të Sigurimit të OKB-së që kërkon një armëpushim humanitar në Gaza e bën atë bashkëpunëtor në atë që ai e përshkroi si krime lufte kundër palestinezëve.

Ai tha gjithashtu se i mbante SHBA-të përgjegjëse për gjakderdhjen e fëmijëve, grave dhe të moshuarve palestinezë në Rripin e Gazës, thuhet në një deklaratë të lëshuar nga presidenca.

Ne raportuam më herët se SHBA-ja kishte vënë veton ndaj një rezolute të Kombeve të Bashkuara që bënte thirrje për një armëpushim të menjëhershëm në Gaza – pavarësisht se propozimi u mbështet nga pothuajse të gjithë anëtarët e Këshillit të Sigurimit.

Dhjetra vende të tjera kishin shprehur gjithashtu mbështetje për një ndërprerje urgjente të armiqësive, duke e lënë Uashingtonin të izoluar diplomatikisht në skenën ndërkombëtare.

Nga 15 anëtarët e këshillit, 13 votuan pro rezolutës. SHBA ishte i vetmi vend që e bllokoi atë dhe Britania e Madhe abstenoi.