Mashtrimi po shihet si një protestë kundër përhapjes së banesave apo apartamenteve me qira afatshkurtra në qendër të qytetit.

Njoftimet e rreme që paralajmërojnë për infektim nga çimkat po përdoren për të penguar turistët në Athinë, në Greqi. Ato janë vendosur jashtë ndërtesave të banimit në qendër të qytetit, duke gënjyer se ka një problem me çimkat.

Athina dhe pjesë të tjera të Greqisë po përballen me një krizë strehimi. Me shumë apartamente që përdoren për ditë  pushimi nga turistët, qiratë po rriten dhe vendasit po nxirren jashtë.

Në një deklaratë të martën, Ministria e Shëndetësisë e Greqisë tha se njoftimet ishin krejtësisht të pavërteta. Ajo po bashkëpunon me policinë për të ndaluar tabelat mashtruese, ku kanë vendosur edhe vulat e e rreme nga autoritetet.

Të përkthyera dobët në anglisht, njoftimet pretendojnë në mënyrë të gënjeshtërt se zyrtarët e shëndetësisë i kanë urdhëruar mysafirët të largohen për të mbrojtur banorët grekë.

Ata thonë se ka një problem me çimkat dhe i kërcënojnë vizitorët me nga 500 euro gjobë nëse nuk largohen. Ata gjithashtu i urojnë turistëve një qëndrim të mbarë në Greqi.

Mashtrimi vjen pas histerisë në shtator dhe tetor për një shpërthim të çimkave në Francë. Foto dhe video të ndryshme u shpërndanë në mediat sociale të dëmtuesve në trena dhe kinema në Paris, me disa ekspertë që pretendojnë se mund të udhëtonin me Eurostar në vende të tjera si Britania e Madhe.

Histeria solli reagim nga Ministri i Transportit i Francës, i cili tha se çështja ishte e tepruar dhe se "nuk kishte nevojë për psikozë".​

Çfarë fshihet pas mashtrimit për çimkat e Athinës?

Një bum në lejet e pushimeve afatshkurtra ka ndihmuar në rritjen e kostove të qirasë për grekët. Vlera e banesave po rritet gjithashtu pjesërisht për shkak të politikave të qeverisë që u ofrojnë investitorëve të huaj rezidencë në këmbim të investimeve në prona dhe kjo ka ngjallur protestë..

Turizmi është vendimtar për ekonominë e Greqisë, duke përbërë një pjesë të madhe të prodhimit vjetor. Ministria e Shëndetësisë tha të martën se ata i kanë thënë policisë të merret me paralajmërimet e rreme.

Ata theksuan se askush nuk duhet të trembë vizitorët apo të japë informacion të rremë për shëndetin publik. Greqia nuk ka pasur ndonjë problem të madh me çimkat, ndryshe nga ajo që ndodhi në Francë këtë verë.

Greqi,  Ministria e Shëndetësisë e konsideron plotësisht gënjeshtër infektimin nga çimkat të Athinës

Shtypi grek Kathimerini, njoftoi sot se Ministria e Shëndetësisë e Greqisë hodhi poshtë të martën si "plotësisht të gënjeshtërt" një njoftim të vendosur në disa ndërtesa në distriktin qendror Exarchia të Athinës, që paralajmëronte se kishte infektim nga insektet.

Njoftimi u shfaq të martën në mëngjes, i ngjitur në ndërtesa të ndryshme përgjatë rrugëve Harilaou Trikoupi dhe Komninon si dhe në Avenue Alexandras.

Një letër e thjeshtë e printuar që mbante vulat e bashkisë së Athinës dhe Ministrisë së Shëndetësisë dhe e shkruar në anglisht, urdhëronte vizitorët të "evakuoheshin nga bujtinat private në lagjen e Exarcheia për të mbrojtur shëndetin publik të qiramarrësve të përhershëm grekë".

Njoftimi pretendonte se pronarët e këtyre njësive dhe klientët e tyre përballen me një gjobë prej 500 eurosh nëse nuk zbatojnë urdhrin për lirimin e banesave, të cilat janë të infektuara me çimka.

Mashtrimi po shihet si një protestë kundër përhapjes së banesave apo apartamenteve me qira afatshkurtra në qendër të qytetit. Infektimet e insekteve janë rritur në të gjithë Evropën muajt e fundit, duke goditur veçanërisht hotelet dhe vendet me qira të pushimeve.