Forcat e Mbrojtjes të Izraelit po vazhdojnë operacionet e tyre që synojnë udhëheqjen e lartë të Hamasit në Gaza, thuhet në një postim të IDF-së, duke përfshirë një foto në grup të komandantëve të kësaj organizate, pesë prej të cilëve tashmë të vrarë.
“IDF vrau disa komandantë dhe operativë të Hamasit në Brigadën Veriore të Rripit të Gazës - brigada e dytë më e madhe e Hamasit - të cilët ishin fshehur në një tunel pranë Spitalit Indonezian gjatë sulmit. Pesë nga komandantët në foto janë vrarë”, thuhet në mbishkrimin e postimit. Fotografia tregon zyrtarët e Hamasit të ulur në një hapësirë të ngushtë, me fytyrat e komandantëve të vrarë të rrethuar.
Our forces continue to operate against Hamas’ leadership in Gaza:
— Israel Defense Forces (@IDF) December 6, 2023
🔴IDF forces eliminated several Hamas commanders and operatives of the Northern Gaza Strip Brigade—the second largest brigade of Hamas—who were hiding in a tunnel located near the Indonesian Hospital during the… pic.twitter.com/mydADVsJaX
Kryeministri izraelit Benjamin Netanyahu siguroi të martën mbrëma se forcat e armatosura të vendit të tij vranë rreth gjysmën e komandantëve të njësive të lëvizjes islamike palestineze Hamas gjatë operacioneve ajrore dhe tokësore që ata po kryejnë në Rripin e Gazës që nga 7 tetori.
Ushtria izraelite supozon se Hamasi ka gjithsej 24 njësi që luftojnë në Gaza, flet për "batalione", me rreth 1000 anëtarë secili.
Së shpejti, nuk do të ketë asnjë nga këto njësi të aftë për të kërcënuar Izraelin, siguroi nga ana e tij Ministri i Mbrojtjes Yoav Gallad , duke folur në të njëjtën konferencë shtypi me kryeministrin Netanyahu. Sipas tij, Hamasi po humb gradualisht kontrollin mbi Rripin e Gazës.
"Ne nuk do të harrojmë, as nuk do të falim," tha zoti Netanyahu, dy muaj pasi lufta Izrael/Hamas shpërtheu në një sulm të paprecedentë nga militantët e lëvizjes islamike palestineze në sektorët jugor të territorit izraelit më 7 tetor.
© SYRI.net