Forcat izraelite thonë se tani janë "në zemër" të qytetit jugor të Khan Younis, ku mendohet se mund të fshihen udhëheqësit e Hamasit.
Ata thonë se janë gjithashtu të përfshirë në luftime intensive në veri të territorit dhe se ka pasur bombardime të ashpra duke përfshirë zonat ku palestinezëve u është thënë të kërkojnë siguri, njofton BBC.
OKB-ja thotë se më shumë se 80% e njerëzve në Gaza tani janë dëbuar nga shtëpitë e tyre dhe se luftimet po pengojnë shpërndarjen e ndihmave.
Pasi zyrtarët amerikanë filluan të shprehin shqetësimet për koston njerëzore të luftës, kryeministri izraelit Benjamin Netanyahu tha mbrëmë se e vetmja mënyrë për ta përfunduar atë shpejt ishte përdorimi i forcës shkatërruese kundër Hamasit.
Më herët, kabineti i tij i luftës u sulmua gjithashtu në një takim me familjet e 138 pengjeve të mbetura në Gaza. Pati shpërthime zemërimi nga disa të afërm të cilët mendojnë se Izraeli nuk ka asnjë plan tani për të shpëtuar të dashurit e tyre.
© SYRI.net