Një institut evropian i ka thënë BBC-së se "do të jetë një goditje" për Izraelin që nuk ishte në gjendje të siguronte lirimin e të gjitha grave dhe fëmijëve të marrë peng gjatë armëpushimit shtatëditor.

Jane Kinninmont, Drejtore e Politikave dhe Ndikimit në Rrjetin Evropian të Lidershipit, tha se mbrëmë Izraeli priste të merrte një listë të re të njerëzve që do të liroheshin sipas kushteve të marrëveshjes së pengjeve - por kjo nuk ndodhi.

Duke folur në BBC, Radio 5 Live, ajo tha se është e vështirë nga jashtë për të kuptuar "se çfarë dëshiron të arrijë Hamasi" ose çfarë po i motivon udhëheqësit e tij.

Kinninmont tha se duhet të ketë disa njerëz brenda Hamasit që duan armëpushim dhe të tjerë që synojnë "ta shkatërrojnë Izraelin me çdo kusht".

Ajo shtoi se grupi, i cili është një organizatë terroriste e ndaluar në Mbretërinë e Bashkuar dhe shumë vende të tjera, mund të ketë ndjesinë se mbajtja e disave prej pengjeve u jep atyre epërsi mbi Izraelin.