Është shfaqur një kërcënim kibernetik i njohur si "ClearFake" duke paraqitur një rrezik për përdoruesit e Apple nëpërmjet një përditësimi të rremë të browser-it që instalon malware-in Atomic Stealer, shkruan New York Post.

Fillimisht, duke synuar sistemet Windows që nga korriku, fushata ka zgjeruar fokusin e saj për të përfshirë përdoruesit e Mac. Sulmi përfshin ofrimin e përditësimeve mashtruese të Chrome përmes Javascript në faqet e internetit të komprometuara. Me klikimin e përditësimit, sistemet e përdoruesve infektohen me Atomic Stealer, një mjet keqdashës i aftë për të vjedhur fjalëkalime, dokumente, foto dhe skedarë video. Malware është krijuar për të shënjestruar më shumë se 50 extension të kriptomonedhave dhe fjalëkalime të keychain. 

Ajo që e bën ClearFake të fshehtë është aftësia për t'u maskuar si përditësime të Safari-t dhe Chrome, duke rritur rrezikun për përdoruesit jo vigjilentë. Pavarësisht ekzistencës së ClearFake që njihet që nga prilli 2023, ai arrin të shmangë zbulimin e afërsisht 50% të motorëve antivirus në platformat e sigurisë kibernetike si VirusTotal. 

Për të zbutur rrezikun e marrjes së malware-it Atomic Stealer, ekspertët e sigurisë këshillojnë përdoruesit e Mac që të shmangin shkarkimin e përditësimeve të browser-it nga faqet e palëve të treta dhe pop-up-et. 

Ata theksojnë se përditësimet e browser-it Safari shpërndahen ekskluzivisht përmes përditësimeve të softuerit macOS. Për më tepër, përdoruesit inkurajohen të rrisin masat e tyre të sigurisë duke shkarkuar antiviruse më të fundit nga burime të njohura./Përkthyer nga Syri.net