Një gjykatë gjermane mbajti anën e grupeve mjedisore të enjten, duke vendosur se qeveria federale kishte dështuar në përmbushjen e objektivave të saj klimatike në sektorët e transportit dhe ndërtimit, raporton DW.

Vendimi vjen një ditë përpara se kancelari Olaf Scholz të udhëtonte në samitin e klimës COP28 .

Deutsche Umwelthilfe dhe grupet ambientaliste BUND e kishin çuar qeverinë gjermane në gjykatë, duke e akuzuar atë për shkelje të Aktit të Mbrojtjes së Klimës së Gjermanisë , i cili aktualisht përcakton objektivat vjetore për çdo sektor për të reduktuar gazrat e dëmshëm serë.

Konkretisht, ligji kërkon që ministritë individuale të zbatojnë një plan veprimi të menjëhershëm për të reduktuar emetimet nëse një sektor nuk arrin objektivat e ligjit, që janë ulja prej 65% e emetimeve deri në vitin 2030 krahasuar me nivelet e vitit 1990.

Në vendimin e së enjtes, gjykata tha se Berlini duhet të miratojë një "program të menjëhershëm" për të reduktuar emetimet në sektorët e transportit dhe ndërtimit.

Stefanie Langkamp, ??një zëdhënëse e rrjetit Climate Alliance Germany, tha se vendimi ishte një "qortim i ashpër" për qeverinë.