Kreu i Kombeve të Bashkuara deklaroi se Gaza është në mes të një “katastrofe epike humanitare” dhe u bëri thirrje liderëve ndërkombëtarë të mbajnë fokusin e tyre në konflikt.

Antonio Guterres e dha deklaratën në mbledhjen e Këshillit të Sigurimit të OKB-së më herët gjatë kësaj të mërkure, shkruan Sky News.

“Populli i Gazës është në mes të një katastrofe epike humanitare para syve të botës dhe ne nuk duhet të shikojmë larg,” theksoi Guterres.

 Guterres përmendi gjithashtu fundin e afërt të marrëveshjes së armëpushimit, me bisedimet ende në vazhdim për ta zgjatur atë.

“Negociatat intensive po zhvillohen për të zgjatur armëpushimin – të cilin ne e mirëpresim fuqishëm – por ne besojmë se kemi nevojë për një armëpushim të vërtetë humanitar,” tha ai.