Është publikuar momenti i lirimit kur dy amerikanet të marra peng nga grupi i armatosur palestines,Hamasi u liruan mbrëmjen e djeshme.
Në video shihet nëna së bashku me vajzën duke zbritur nga një makinë e Hamasit të rrethuar me njerëz të armatosur me jelek antiplumbi dhe më pas duke u futur në një makinë të Kryqit të Kuq.
#BREAKING | JUST IN: LIVE VIDEO OF THE TWO AMERICAN HOSTAGES RELEASED BY HAMAS#Gaza #Israel #غزة #فلسطين pic.twitter.com/WU0JjVSoy2
— Breaking news 24/7 (@aliifil1) October 21, 2023
"Ajo është mirë, është shumë mirë," tha babai i 18-vjeçares, Uri Raanan, nga Çikago, i cili shtoi:
“Nuk më tha asgjë. Por ajo më tha se e kanë trajtuar mirë dhe se është shumë mirë. Po pres ta përqafoj dhe ta puth dhe kjo do të jetë dita më e mirë e jetës sime.”
Natalie Raanan dhe nëna e saj Judith Raanan , 59 vjeç, nga Evanston, Illinois, mbërritën në Izrael në fillim të shtatorit për të festuar Vitin e Ri hebre që filloi disa ditë më parë dhe ditëlindjen e nënës së saj Judith.
Vajza kishte mbaruar shkollën e mesme në pranverë.
'Në momentin kur ne humbëm kontaktet, Natalie dhe Judith ishin në kibutin Nahal Oz, që ndodhet vetëm katër kilometra larg Rripit të Gazës', janë shprehur familjarët e pengjeve të liruar për një gazetë të Çikagos.
Judith ka qenë anëtare e komunitetit hebre në Evanston për rreth një dekadë.
© SYRI.net