Presidenti i SHBA Joe Biden ka dënuar veprimet e Hamasit dhe presidentit rus Vladimir Putin në fjalimin e tij të mbajtur në Zyrën Ovale të enjten mbrëma, duke thënë se sulmet ndaj Izraelit dhe pushtimi i Ukrainës kanë motive të përbashkëta.

"Hamasi dhe Putin përfaqësojnë kërcënime të ndryshme, por ata ndajnë këtë të përbashkët: të dy duan të fshijnë plotësisht një demokraci fqinje," tha Biden në fjalimin e tij .

Presidenti amerikan tha se do t'i dërgonte Kongresit një "kërkesë urgjente buxhetore" të premten për të "financuar nevojat e sigurisë kombëtare të Amerikës për të mbështetur partnerët tanë të cilët janë në gjendje kritike, përfshirë Izraelin dhe Ukrainën".

Gjatë fjalës së tij  Biden tha:

''Hamasi dhe Putin përfaqësojnë kërcënime të ndryshme, por ata e ndajnë këtë të përbashkët: të dy duan të asgjësojnë plotësisht një demokraci fqinje. Nëse nuk e ndalojmë oreksin e Putinit për pushtet dhe kontroll në Ukrainë, ai nuk do të kufizohet vetëm në Ukrainë."

“Udhëheqja amerikane është ajo që e mban botën të bashkuar. Aleancat amerikane janë ato që na mbajnë të sigurt në Amerikë. Vlerat amerikane janë ato që na bëjnë një komb partner me të cilin dëshironi të punoni. Të vësh në rrezik gjithë këtë – të largohemi nga Ukraina, t’i kthejmë shpinën Izraelit – thjesht nuk ia vlen. Kjo është arsyeja pse nesër do t'i dërgoj Kongresit një kërkesë urgjente buxhetore për të financuar nevojat e Amerikës për sigurinë kombëtare – nevojat për të mbështetur partnerët tanë të rëndësishëm, duke përfshirë Izraelin dhe Ukrainën. Është një investim i zgjuar që do të paguajë dividentë për sigurinë amerikane për breza”, vuri në dukje Biden gjatë një fjalimi nga Zyra Ovale. "Na ndihmoni t'i mbajmë trupat amerikane jashtë rrezikut. Na ndihmoni të ndërtojmë një botë më të sigurt, më paqësore dhe më të begatë për fëmijët dhe nipërit tanë ."

Biden e përfundon fjalimin e tij duke folur për udhëtimin e tij të fshehtë në Ukrainë nëpërmjet Polonisë, të cilin e bëri në fillim të këtij viti për të treguar mbështetje për Zelensky dhe Ukrainë.

"Ne jemi më të fortë se kurrë më parë. Amerika është ende një fener për botën. Megjithatë. Ne nuk mund të lejojmë që politikat e vogla partizane dhe të zemëruara të pengojnë përgjegjësinë tonë si një komb i madh." Ai nuk do të lejojë që Hamasi dhe Putini të fitojnë' përfundoi Biden.