Vladimir Putin u ka thënë gazetarëve se është i hapur për negociata për përfundimin e luftës në Ukrainë, por Ukraina nuk i dëshiron ato.

“Unë e kam thënë tashmë: ne kurrë nuk kemi refuzuar negociatat. Prandaj, ju lutem, nëse pala tjetër do, le ta thotë drejtpërdrejt.

Unë jam duke folur, por nga ana tjetër nuk dëgjojmë asgjë,” tha ai.

Presidenti i Ukrainës, Volodymyr Zelensky, ka paraqitur vazhdimisht një plan paqeje me dhjetë pika për t’i dhënë fund konfliktit, por duke i kërkuar Rusisë të largojë trupat e saj nga territori i Ukrainës.