Shërbimi i sigurisë SBU i Ukrainës thotë se ka arrestuar një informator të FSB-së (Shërbimi Federal i Sigurisë i Federatës Ruse) që punonte në vijën e frontit pranë Kramatorsk, Donetsk.
“Autori rezultoi të ishte një avokat nga Kramatorsk, i cili gjatë viteve 2019-2022 jetonte në territorin e Federatës Ruse dhe kishte kontakte me shërbimet speciale të vendit agresor”, thuhet në një deklaratë në faqen e internetit të SBU.
Kramatorsk, ishte vendi i një sulmi vdekjeprurës me raketa në një restorant picash, i cili mori jetën e të paktën 11 personave.
Burri dyshohet se mblodhi dhe transmetoi informacione në lidhje me lëvizjen e trupave nëpër pikat e kontrollit në vijën e frontit pranë Kramatorsk.
Ai përballet me 15 vjet burg pasi SBU mblodhi prova duke përfshirë telefona dhe karta bankare, për të cilat thuhet se ishte paguar nga Rusia.
© SYRI.net