Boris Johnson ka dhënë dorëheqjen si deputet me efekt të menjëhershëm dhe në një letër dorëheqje ka kritikuar ashpër, kryeministrin britanik Rishi Sunak.
Ish-kryeministri sulmoi gjithashtu panelin e deputetëve që po hetojnë nëse ai gënjeu Parlamentin për festën e organizuar kur Britania e Madhe ishte e mbyllur nga pandemia Covid-19.
Komiteti i privilegjeve tani ka konfirmuar se do të takohet të hënën për të përfunduar hetimin e tij, me një zëdhënës që premton të publikojë raportin e tij "menjëherë", shkruan Skyneës.
Në një deklaratë prej 1000 fjalësh, zoti Johnson pohoi:
• Një "grusht i vogël njerëzish" po përdorin hetimin e tyre për të më "përzënë" nga parlamenti
• Deputetët në komitetin e privilegjeve nuk kanë "prodhuar asnjë copë provë" për të sugjeruar se kam mashtruar Parlamentin - dhe raporti i tyre është "i mbushur me pasaktësi dhe erë paragjykimi".
• Komiteti është një "gjykatë kangur" që është e vendosur të më shpallë fajtor
• Një "gjueti shtrigash" është duke u zhvilluar për të "marrë hak për Brexit" dhe për të ndryshuar rezultatin e referendumit
Johnson ishte veçanërisht kritik ndaj deputetes laburiste, Harriet Harman, kryetare e komitetit të privilegjeve, dhe pretendoi se ajo po mbikëqyrte një panel të drejtuar nga "paragjykim skandaloz".
Dorëheqja e tij do të thotë se Rishi Sunak tani përballet me perspektivën e dy zgjedhjeve të pjesshme, me Nadine Dorries - një nga aleatet më të ngushta të Johnson që gjithashtu njoftoi të premten se do të lironte vendin e saj menjëherë.
Konservatorët mund të përballen me një luftë të vështirë për të mbajtur vendin e zotit Johnson në Uxbridge, në perëndim të Londrës , me të dhënat e sondazheve nga Savanta që sugjerojnë se Laburistët aktualisht kanë një avantazh prej 14 pikësh në zonën elektorale.
© SYRI.net