Një vajzë dy vjeçare është vrarë dhe 22 persona të tjerë janë plagosur pas një sulmi të dyshuar ajror rus në një zonë të banuar të qytetit qendror të Ukrainës Dnipro.

Trupi i saj u nxor nga rrënojat e një shtëpie në komunitetin Pidhorodnenska gjatë natës, tha guvernatori i rajonit.

Serhiy Lysak tha se pesë nga të plagosurit ishin fëmijë, me tre djem që ishin në gjendje të rëndë në spital.

Një video e shpërndarë nga presidenti i Ukrainës tregoi shpëtimtarët duke kërkuar mbetjet e një ndërtese dykatëshe, raporton BBC, transmeton Klankosova.tv.

Volodymyr Zelensky ka fajësuar Rusinë për sulmin, por Kremlini ende nuk ka komentuar mbi ngjarjet.

Shpërthime janë dëgjuar edhe mbi kryeqytetin, Kiev, ku sistemet e mbrojtjes ajrore janë vendosur sërish. I gjithë vendi u vendos nën alarmet e sulmeve ajrore më herët.