Bruksel, BE vendos sanksione për destabilizimin e Moldavisë

Bruksel, BE vendos sanksione për destabilizimin e Moldavisë

08:29, 01/06/2023
A+ Aa A-

Këshilli Evropian ka vendosur sanksione ndaj shtatë politikanëve dhe biznesmenëve me shtetësi moldave dhe ruse.

Pasuritë e tyre janë ngrirë dhe atyre iu ndalohen udhëtimet në dhe përmes Bashkimit Evropian.

Personat e sanksionuar dyshohet se kanë tentuar të destabilizojnë Republikën e Moldavisë në emër të Rusisë, duke planifikuar demonstrata të dhunshme ose eksporte të paautorizuara të kapitalit.

Disa prej tyre akuzohen se kanë mbështetur luftën ruse kundër Ukrainës, duke bashkëpunuar me autoritetet pushtuese ruse.

“Moldavia është një nga vendet më të prekura nga pasojat e pushtimit të paligjshëm të Ukrainës nga Rusia. Ekzistojnë përpjekje serioze, të intensifikuara dhe të vazhdueshme për të destabilizuar vendin”, tha shefi i çështjeve të jashtme të BE-së, Josep Borrell.

“Prandaj, sanksionet janë një sinjal i rëndësishëm politik i mbështetjes së BE-së për Republikën e Moldavisë”, tha ai.

Vendet e BE-së krijuan një kornizë ligjore për sanksione të tilla në muajin prill me kërkesë të Moldavisë. Gjatë muajve të fundit, ka pasur tensione të përsëritura midis Moskës dhe Kishinevit. Vëzhguesit ndërkombëtarë kanë akuzuar së fundmi presidentin rus, Vladimir Putin se kërkon të destabilizojë situatën në vendin kandidat për në BE.

Rusia nisi pushtimin e plotë të Ukrainës në shkurt 2022.

© SYRI.net

Lexo edhe:

Komentet

Shto koment

Denonco