Ekziston mundësia që Covid-19 të ketë dalë nga një laborator, sipas një ish-shkencëtari të lartë të qeverisë kineze. Si kreu i Qendrës së Kinës për Kontrollin e Sëmundjeve (CDC), profesori George Gao luajti një rol kyç në përgjigjen ndaj pandemisë dhe përpjekjet për të gjurmuar origjinën e saj.

Megjithatë, Pekini ka hedhur poshtë çdo sugjerim se sëmundja mund të ketë dalë nga një laborator në Wuhan. Në një intervistë për podkastin e BBC Radio 4, Fever: The Hunt for Covid’s Origin, profesori tha: “Gjithmonë mund të dyshosh për çdo gjë. Kjo është shkencë. Mos përjashtoni asgjë”

“E ashtuquajtura rrjedhje nga laboratori është një gënjeshtër e krijuar nga forcat anti-kineze. Është i motivuar politikisht dhe nuk ka bazë shkencore”, thuhet në një deklaratë nga ambasada kineze në Britaninë e Madhe.

Qeveria kineze ka promovuar një teori të tretë të çuditshme, inekzistente. Virusi nuk u përhap nga laboratori apo tregu i Wuhan-it, por mund të jetë përhapur përmes ushqimeve të ngrira.

Që nga fillimi i pandemisë, ka pasur shumë mendime të ndryshme për skenarin e rrjedhjes së virusit nga një laborator. Disa shkencëtarë e cilësuan si një teori konspirative. Shumë politikanë, gazetarë dhe të tjerë demokratë kanë mbështetur shpjegimin se virusi kaloj nga kafshët te njerëzit.

Në fakt ekzistojnë teori të shumta për rrjedhjen e laboratorit.

Më e besueshme është se virusi doli aksidentalisht nga një laborator në rajonin Wuhan , ku shkencëtarët po e studionin atë dhe ndoshta e modifikonin atë për qëllime kërkimore dhe mjekësore.