Data e kurorëzimit të mbretit Charles III po afrohet me shpejtësi dhe është njoftuar se Take That, Katy Perry dhe Lionel Richie janë ndër figurat e muzikës të përfshira në formacionin për Koncertin e Kurorëzimit në Kështjellën Ëindsor.

Aktiviteti  do të zhvillohet të dielën më 7 maj - një ditë pas kurorëzimit në Ëestminster Abbey - para një audiencë prej 20,000 anëtarësh të publikut.

Koncerti do të përfshijë edhe shfaqje të yllit italian të operës, Andrea Bocelli; të bas-baritoniytuellsian Sir Bryn Terfel; të kantautores Freya Ridings dhe të kompozitorit të shpirtit klasik, Alexis Ffrench.

Interpretimi i Take That do të ketë tri nga anëtarët origjinalë - Gary Barloë, Mark Oëen dhe Hoëard Donald.

Në një deklaratë të përbashkët, ata thanë se “mezi e prisnin” shfaqjen. "Kjo do të jetë shfaqja jonë e parë live që nga turneu Odyssey, katër vjet më parë në 2019 dhe kthim në çfarë skene!"

Katy Perry tha se ishte "e entuziazmuar" për të interpretuar si dhe "të ndriçojë më tej" në The British Asian Trust, një organizatë bamirëse e themeluar nga mbreti kur ai ishte Princi i Uellsit.

Organizata bamirëse, ambasadore e së cilës Perry është - punon për të trajtuar varfërinë dhe vështirësitë e përhapura në Azinë Jugore, si dhe për të mbledhur fonde për t'i dhënë fund trafikimit të fëmijëve.

Më shumë personalitete të Koncertit të Kurorëzimit pritet të shpallen së shpejti. Ka pasur thashetheme se edhe Adele dhe Spice Girls do të shfaqeshin, por emrat e tyre ende nuk janë konfirmuar zyrtarisht.

Kurse Ed Sheeran, Sir Elton John dhe Harry Styles thuhet se i kanë refuzuar të gjithë ftesat për t'u paraqitur.

Ndërsa, muajin e kaluar, Snoop Dogg zbuloi interesin e tij për të marrë pjesë në Koncertin e Kurorëzimit, duke i thënë gazetës The Sun: "Uroj të ndodhë.”