Zjarri ka shpërthyer në territorin e një fabrike ruse që prodhon pajisje për ushtrinë e Putinit, sipas raporteve të mediave shtetërore.

Sipas mediave të huaja, shtatë persona janë shpëtuar nga një ndërtesë e djegur dhe zjarrfikësit janë ende në kërkim të burimit të zjarrit në fabrikën motorike në Yaroslavl, Rusi, e cila e përshkruan veten në faqen e saj të internetit si një nga ndërmarrjet më të mëdha ruse.

Ministria ruse e Emergjencave u citua nga agjencia shtetërore e lajmeve TASS të ketë thënë se zjarrfikësit u njoftuan për zjarrin në orën 13:30.

Sipas mediave lokale, ka pasur një shpërthim para zjarrit.

Fabrika e motorëve Yaroslavl thotë në faqen e saj të internetit se më shumë se 300 modele automjetesh dhe produkte për qëllime të veçanta në Rusi dhe Bjellorusi janë të pajisura me motorët që ajo prodhon.

Blogeri dhe analisti rus, Anatoly Nesmiyan, tha në kanalin e tij Telegram se “diçka mjaft serioze po digjet” në fabrikë, megjithëse nuk dha hollësi se çfarë mund të jetë. Nesmiyan e përshkroi fabrikën si një nga prodhuesit më të mëdhenj të motorëve dhe kutive të shpejtësisë për pajisjet që i përkasin Ushtrisë Ruse, duke përfshirë motorët për lëshuesit e raketave bërthamore Topol-M.

Sipas Qendrës për Studime Strategjike dhe Ndërkombëtare me bazë në Uashington, Topol-M është një raketë balistike ndërkontinentale ruse me një rreze veprimi prej 11,000 kilometrash.

Incidenti është i fundit në një varg zjarresh misterioze në Rusi që kur presidenti Vladimir Putin filloi agresionin mbi Ukrainë më 24 shkurt të vitit 2022.

A fire is reported on the territory of the Yaroslavl Motor Plant in Russia, before the fire there were reports of an explosion. - Russian media.
P.S: The plant manufactures engines that are used in many types of Russian military equipment. pic.twitter.com/2sortvmOFa

— Special Kherson Cat 🐈🇺🇦 (@bayraktar_1love) March 23, 2023