Forcat ukrainase kanë zmbrapsur përpjekjet ruse për të avancuar në qendër të Bakhmut, tha një gjeneral i lartë ukrainas.

“Grupet e sulmit të armikut po përpiqen të avancojnë nga periferia në qendër të qytetit, por forcat tona të mbrojtjes po punojnë  për t'i shkatërruar ato 24/7”, shkroi në Telegram Oleksandr Syrskyi, komandanti i Forcave Tokësore të Ukrainës.

Zëvendësministrja e Mbrojtjes Hanna Malyar tha se askush nuk e kishte besuar se Bakhmut do të qëndronte nën sulme kaq intensive për kaq gjatë.

“...mbrojtja e Bakhmutit po vazhdon dhe mundësitë nuk janë shterur ende,” tha Malyar.

Rusia e ka bërë kapjen e Bakhmutit një prioritet në strategjinë e saj; nëse forcat ruse kapin Bakhmutin, do të jetë fitimi i parë i rëndësishëm territorial i Moskës pas muajsh humbjesh ushtarake.