Shteti fqinj Italia është goditur nga tërmeti mbrëmjen e djeshme me epiqendër në Siena.
Hipoqendra është regjistruar në një thellësi prej 8 kilometrash.
Tërmeti u ndje qartë nga njerëzit dhe shumë prej tyre dolën në rrugë.
Të paktën pesë lëkundje të tjera u regjistruan në minutat në vijim, me magnitudë nga 2.0 në 2.7.
Mbyllen shkollat- Shkollat e të gjitha niveleve do të qëndrojnë të enjten të mbyllura, sipas kryebashkiakut Luigi De Mossi, duke shpjeguar se vendimi është marrë “edhe për të lejuar vlerësimet e strukturave”. Një rrëshqitje shumë e vogël dheu në Strada delle Grotte është regjistruar në qytet, pa asnjë problem kritik. Rruga është mbyllur për të shmangur çdo problem, në prani të policisë bashkiake. “Unë dhe teknikët e Bashkisë së Sienës jemi pranë për të monitoruar situatën. Për momentin konfirmohet se nuk ka dëme”, shkruhet në profilin e kryebashkiakut në Facebook.
Torre del Mangia në Piazza del Campo gjithashtu mbetet i mbyllur.
Bashkia sqaron se masa është marrë për të përfunduar të gjitha kontrollet, por për momentin nuk ka pasur dëmtime në strukturë.
Presidenti i Toskanës, Eugenio Giani shkruan në rrjetet sociale, duke sqaruar se “shumë njerëz janë derdhur në rrugë, operatorët e sistemit të Mbrojtjes Civile dhe personeli i Bashkive po kryejnë kontrolle dhe po japin ndihmë”.
Dhoma e Mbrojtjes Civile e qytetit Metropolitane të Firences shpjegon se tronditja me magnitudë 3.5 ballë është ndjerë edhe nga "disa qytetarë që banojnë në komunat Chianti dhe Val d'Elsa".
@bosscr8 Terremoto in Italia Siena alle 21:51.#terremoto #europe_team🔥 #viralvideo #trending #italia #terremotoitalia ♬ suono originale - FlashTV®
© SYRI.net