Një grua që pretendoi se ishte përdhunuar nga disa burra dhe se ishte viktimë e një bande aziatike është dënuar për çoroditje të organeve të drejtësisë.

Eleanor Williams, 22 vjeç, publikoi foto të plagëve të sajduke pretenduar se është përdhunuar, trafikuar e rrahur nga një bandë.

Postimi u bë viral në Facebook në maj 2020.

Ngjarja fitoi vëmendjen e ish-themeluesit të Ligës së Mbrojtjes angleze, Tommy Robinson, i cili udhëhoqi protestat në qytetin e saj të lindjes, Barrow-in-Furness, Cumbria.

Megjithatë gjykata zbuloi se historia e Williams ishte trillim dhe se ajo kishte plagosur veten me një çekiç.

Sot, një juri në Gjykatën e Preston Crown e shpalli atë fajtore për tetë akuza për kryerjen e akteve me qëllim që të prishte rrjedhën e drejtësisë.

E pyetur në lidhje me postimin e saj në Facebook, ajo tha: "Doja që njerëzit të dinin se çfarë po ndodhte në Barrow, ende po ndodh."