Vladimir Putin nuk do të rrëzohet nga populli rus tani shpejt – por ai duhet të ruhet nga aleatët e tij më të afërt, ka thënë një ekspert.

Vladislav Inozemtsev, drejtor i Qendrës Ruse për Kërkime të Shoqërisë Post-Industriale, thotë se një grusht shteti nga brenda do t'i jepte fund luftës kundër Ukrainës, që po i grin njerëzit.

Ai i tha gazetës ruse Zerkalo: “Unë besoj se e vetmja mundësi për të ndryshuar situatën është një lloj grushti shteti në pallati – kur elita ta kuptojë vërtet se Putini po i çon në një rrugë pa krye.

“Por nëse do të ndodhë apo jo apo se kur mund të ndodhë, kjo është e pamundur të parashikohet”.

Një grusht shteti në pallat – përmbysja jo e dhunshme e një sundimtari nga vetë vartësit e tij – ka të ngjarë të shpërthejë nga këshilltarët apo rojet më të afërta të Putinit, tha shkencëtari politik.

Mos prisni që kjo përmbysje e Putinit në pushtet prej dekadash të vijë nga vetë populli rus, shtoi ai.

Shoqëria ruse është "plotësisht e mpirë dhe Kremlini nuk do të priste asnjë problem prej saj", tha Inozemtsev, duke shtuar: "Deri më tani nuk shoh ndonjë dëshirë për të ndaluar luftën".

Ligji nuk ndihmon. Protesta është shpallur krim në mënyrë reale në Rusi, siç është 'shpërndarja e informacionit të rremë' në lidhje me luftën - madje edhe përdorimi i fjalës 'ligj' që mund të të çojë në burg.

Ndërsa lufta Rusi-Ukrainë hyn në ditën e saj të 300-të, Putini ka para në gjendje për ta vazhduar betejën për të paktën dy vjet të tjera, tha Inozemtsev.

“Putini ka potencial të madh për të financuar luftën”, tha ai, duke shtuar se lufta do të zgjasë deri në verën e ardhshme.

“Rezervat dhe mundësitë e huamarrjes në tregun e brendshëm rus i japin atij një shumë të pafundme parash dhe ai nuk do të ketë probleme me buxhetin as këtë vit e as në 2024.

“Përsa i përket ushtrisë ukrainase, jam i sigurt se është e vendosur të zmbrapsë sulmet ruse.

“Ukraina po riarmatoset vazhdimisht me armë dhe municione perëndimore dhe ky proces po zhvillohet në mënyrë mjaft të qëndrueshme.

“Kështu që unë mendoj se kjo është situata e grirjes së njerëzve që do të vazhdojë  që do të vazhdojë për një kohë mjaft të gjatë.

“Në të vërtetë Rusia do të pësojë humbje të mëdha, por siç thonë me të drejtë zyrtarët ukrainas Moska ka kapacitet për të mobilizuar deri në një milion burra. Kjo është e sakte.'

Dhjetë muaj pas luftës, të dyja palët kanë refuzuar të tërhiqen.

Por ndërsa Kievi po fiton në luftë, një Putin gjithnjë e më i furishëm ka filluar të pranojë se Rusia po rrihet në vijat e para.

Ukraina ka çliruar rreth 75,000 km katrorë territor nga forcat ruse, sipas Institutit për Studimin e Luftës.