Trupat e 27 personave, që besohet se janë emigrantë nga Etiopia, janë “hedhur” buzë rrugës në zonën Ngwerere në veri të kryeqytetit të Zambisë, Lusaka.

Ata ka të ngjarë të jenë mbytur për vdekje ndërsa ishin në tranzit, tha zëdhënësi i policisë Danny Mwale për BBC.

Një i mbijetuar është dërguar me urgjencë në një spital lokal, tha ai. Zambia është një pikë tranziti për migrantët, të cilët duan të arrijnë në Afrikën e Jugut.

Z. Mwale tha se banorët e Ngwerere gjetën trupat të dielën, 11 dhjetor.

Ai tha se policia beson se emigrantët janë shtetas etiopianë bazuar në dokumentet e identitetit të gjetura në to.

“Hetimet tona paraprake tregojnë se 28 persona, të gjithë meshkuj të moshës 20 deri në 38 vjeç, u hodhën në zonën Ngwerere nga persona të panjohur”, tha policia në një deklaratë.

Trupat janë dërguar në morgun e Spitalit Mësimor të Universitetit të Zambisë.

Në Malavi autoritetet zbuluan 25 trupat e emigrantëve etiopianë në një varr masiv në tetor të këtij viti.