Marrëdhëniet e Rusisë dhe Iranit janë ngritur në një partneritet të plotë të mbrojtjes.

Rusia po jep një nivel të paprecedentë të mbështetjes ushtarake, tha zëdhënësi i Këshillit të Sigurisë Kombëtare të SHBA, John Kirby.

SHBA ka njohuri se të dyja vendet po shqyrtojnë mundësinë e prodhimit të përbashkët të dronëve vdekjeprurës, shtoi ai.

Australia ka njoftuar se po sanksionon tre iranianë dhe një biznes iranian për furnizimin e Rusisë me dronë për t’i përdorur kundër Ukrainës, raporton bbc.

Bashkëpunimi midis Rusisë dhe Iranit është theksuar kohët e fundit, me Ukrainën që akuzon Rusinë për përdorimin e dronëve iranianë në sulmet e saj.

Pasi fillimisht mohoi dërgimin e ndonjë droni në Rusi, vendi i Lindjes së Mesme më vonë pranoi se e kishte furnizuar me disa para pushtimit të Ukrainës.