Lajmi i fundit

‘Bomba’ e CNN: Pjesa më shqetësuese e dosjes së McGonigal, hetimet kundër lobistit të opozitës shqiptare

Dyshimet për korrupsion nga Katari, arrestohet zv/presidentja e Parlamentit Europian, Eva Kaili

Dyshimet për korrupsion nga Katari, arrestohet zv/presidentja e Parlamentit Europian, Eva Kaili

21:45, 09/12/2022
A+ Aa A-

Korrupsion ndërkombëtar nga Katari në zemër të Bashkimit Europian.

Ky është krimi i dyshuar me të cilin u arrestuan nga policia në Bruksel, Antonio Panzeri dhe Luca Visentini, përkatësisht ish-deputet dhe Sekretar i Përgjithshëm i Organizatës Ndërkombëtare të Sindikatave Ituc, së bashku me dy persona të tjerë me origjinë italiane.

Hetuesit dyshojnë se një vend i Gjirit, pa specifikuar se cili (të dhënat flasin për Katarin), ka tentuar të ndikojë në vendimet ekonomike dhe politike të Parlamentit Europian. Sipas gazetës Le Soir, vendi në fjalë do të ishte Emirati i Lindjes së Mesme ku po zhvillohet Kupa e Botës, Katari.

Në shënjestër të drejtësisë belge janë edhe Eva Kaili, nënkryetare e Parlamentit Europian, përfaqësuese e socialistëve grekë dhe partneri i saj.

Të premten në mëngjes dhe më pas gjatë gjithë ditës, më shumë se pesëmbëdhjetë kontrolle u kryen nga agjentët e Zyrës Qendrore për Shtypjen e Korrupsionit në Bruksel dhe katër persona të konsideruar si të dyshuar, u arrestuan për t’u dëgjuar nga hetuesit e udhëhequr nga gjyqtari hetues Michel Claise.

Mes tyre, Luca Visentini, Sekretar i Përgjithshëm i sapozgjedhur i Konfederatës Ndërkombëtare të Sindikatave, ish-deputeti i S&D, Pier-Antonio Panzeri si dhe F. G., ish-asistent parlamentar i Panzeri, bashkëpunëtor aktual i lidhur me grupin S&D dhe shoqërues i Eva Kaili.

Kjo e fundit, 44 vjeçe, një ish-gazetare dhe ish-prezantuese e lajmeve në televizionet greke dhe eurodeputete që nga viti 2014, ishte gjithashtu në shënjestër të hetuesve, mësuan Le Soir dhe Knack.

Shtëpia e saj u kontrollua vonë të premten pasdite dhe ajo u dërgua për një seancë dëgjimore.

Informacioni është konfirmuar nga prokuroria federale.

Eva Kaili është një nga 14 nënkryetarët e gjysmëciklit europian.

E vetmja mënyrë për të arrestuar një deputet të mbrojtur nga imuniteti i tij është kapja në flagrancë.

Më 1 nëntor, u raportua në Twitter për një takim të Kaili me Al Marri, Ministër i Punës i Katarit.

“Zyrtarja e Bashkimit Evropian mirëpret angazhimin e Katarit për të vazhduar reformat e punës pas Kupës së Botës 2022 dhe uron një turne të mirë”.

Image

© SYRI.net

Lexo edhe:

Komentet

Shto koment

Denonco