Forcat spanjolle të sigurisë gjetën një pajisje të tretë shpërthyese të fshehur në një paketë të dërguar në bazën e forcave ajrore në Torrejon de Ardoz jashtë Madridit, raportoi gazeta El Mundo këtë mëngjes.
Dy letra bomba u gjetën të mërkurën drejtuar ambasadës ukrainase në Madrid dhe një prodhuesi armësh në Zaragoza, në veri të Spanjës, tha policia.
I pari shpërtheu duke i shkaktuar lëndime të lehta një zyrtari ukrainas.
Ngjarja ndodhi rreth orës 13:10 të së mërkurës.
Një punonjës i ambasadës hapi zarfin pa ditur që brenda ndodhej eksploziv.
© SYRI.net