Kapen 5.5 tonë kokainë në Spanjë, vinte nga përtej Atlantikut

Kapen 5.5 tonë kokainë në Spanjë, vinte nga përtej Atlantikut

19:52, 30/11/2022
A+ Aa A-

Një sasi prej 5.5 tonë kokainë është sekuestruar në Portin e Valencias në Spanjë.

Lajmin e bën të ditur Garda Civile Kombëtare e Spanjës, e cila thotë se kjo është sasia më e madhe e Kokainës e kapur gjatë katër viteve të fundit në këtë vend.

Kokaina dyshohet se vinte nga përtej Atlantikut, pra nga Amerika Latine dhe kamuflohej përmes mallrave të importit.

Kjo sasi kokaine u kap në një operacion të përbashkët mes Gardës Civile dhe Agjencisë së Tatimeve.

Sipas burimeve nga mediat e huaja, hetimet kishin nisur në vitin 2021 dhe si rezultat i këtyre hetimeve është bërë e mundur ndërhyrja në muajin shtator në portin e Barcelonës ku u gjetën 70 kilogramë kokainë.

Në vijim të hetimeve, agjentët gjetën në portin e Valencias një kontenier nga Amerika e Jugut që mund të përdorej për futjen e drogës. Për këtë arsye, agjentët kanë vijuar këqyrjen e saj, duke lokalizuar më shumë se 5.5 ton kokainë të fshehur brenda, së bashku me mallin, importimi i të cilit ishte i ligjshëm.

Nëse do të hidhej në treg, kjo sasi droge do të arrinte një vlerë prej më shumë se 340 milionë euro.

Aktualisht hetimi është ende i hapur, ndërkohë që po punohet për të përcaktuar nga njëra anë përgjegjësit e futjes së lëndës narkotike dhe nga ana tjetër personat që do të ngarkoheshin më pas për shpërndarjen e drogës.

© SYRI.net

Lexo edhe:

Komentet

Shto koment

Denonco