Mykolaiv, Ukrainë  - Presidenti i Ukrainës u zotua të vazhdojë t'i shtyjë forcat ruse jashtë kufijve të vendit, pasi ato u tërhoqën nga Kherson, duke lënë pas shkatërrime, uri dhe kurthe në këtë qytet jugor të Ukrainës.

Tërheqja ruse nga Khersoni shënoi një moment historik triumfues në luftën e Ukrainës kundër pushtimit nga Rusia pothuajse nëntë muaj më parë. Banorët e Khersonit i përqafuan dhe i puthnin ushtarët ukrainase që po vinin, në momente plot gëzim.

“Do të shohim shumë të tjera përshëndetje të tilla të ushtarëve ukrainas që çlirojnë territorin e kontrolluar nga Rusia”, tha Presidenti Volodymyr Zelenskyy në fjalimin e tij të natës me video të shtunën.

Ai u zotua para njerëzve në qytetet dhe fshatrat e Ukrainës që janë ende nën okupim: “Ne nuk harrojmë askënd; ne nuk do të lëmë askënd.”

Rimarrja e Khersonit nga Ukraina ishte një pengesë e rëndësishme për Kremlinin dhe e fundit në një seri turpërimesh në fushën e betejës. Ajo erdhi rreth gjashtë javë pasi presidenti rus Vladimir Putin aneksoi rajonin Kherson dhe tre provinca të tjera në Ukrainën jugore dhe lindore - në kundërshtim me ligjin ndërkombëtar - dhe i shpalli ato territor rus.