Bashkëshorti i Nancy Pelosit, kryetares së Dhomës së Përfaqësuesve në SHBA ishte në gjendje të telefononte policinë pasi një person i dhunshëm ishte futur në banesën e tij.
Ngjarja e rëndë ndodhi në banesën e çiftit me vlerë 6 milionë dollarë në San Françisko.
Sipas Daily Mail, Paul Pelosi njoftoi policinë në celularin e tij teksa agresori ishte akoma në shtëpi dhe e kishte sulmuar me një çekiç.
82-vjeçari Pelosi telefonoi në numrin 911, por foli me kod, për të mos zemëruar më tej agresorin.
“Një mashkull është në shtëpinë time. Ai po pret për gruan time. Nuk e di se kush është, por thotë se quhet David dhe është një mik,” tha ai.
Polici që priti telefonatën e kuptoi menjëherë kodin dhe shpalli emergjencën.
Mësohet se Paul Pelosi i është nënshtrua një operacioni, pasi sulmuesi, i identifikuar si David DePape e goditi me çekiç në kokë. 82-vjeçari ka plagë edhe në krahë dhe duar, por ndodhet jashtë rrezikut për jetën.
DePape njihet si ekstremist i djathtë dhe përkrahës i një grupi ekstremist nudist.
© SYRI.net