Të paktën 60 persona janë vrarë, duke përfshirë artistë dhe muzikantë të njohur, në një sulm ajror në një koncert në shtetin Kachin nga ushtria e Mianmarit.
“Tre avionë të Mianmarit raportohet se janë përfshirë në sulmin në fshatin Kansi,” tha të hënën Tony Cheng i Al Jazeera.
Mediat e huaja raportojnë se sulmet ndodhën ndërsa artistët po performonin në skenë si pjesë e 62-vjetorit të themelimit të Organizatës së Pavarësisë Kachin (KIO), një grup i fuqishëm separatist me bazë në veri të vendit.
Kjo vjen vetëm tre ditë përpara se ministrat e jashtëm të Azisë Juglindore do të mbajnë një takim në Indonezi për të diskutuar mbi zgjerimin e dhunës në vend.
Kombi i Azisë Juglindore ka qenë në trazira politike që nga marrja e pushtetit ushtarak më 1 shkurt 2021, i cili u prit me protesta paqësore mbarëkombëtare.
© SYRI.net