Billborde me imazhin e presidentit rus Vladimir Putin janë vendosur sot në Beograd.
Presidenti i Federatës Ruse sot feston 70-vjetorin e lindjes dhe me atë rast u shfaqën billborde me imazhin e tij.
“Gëzuar ditëlindjen presidentit Vladimir Putin nga vëllezërit serb”, shkruhet në tabelat e nënshkruara nga përfaqësuesit e lëvizjes “Nashi”.
Edhe lideri i Koresë së Veriut, Kim Jong Un, ka uruar sot Putinin për ditëlindjen. Ai i dërgoi një letër presidentit rus në të cilën vlerëson lidershipin e tij kundër “sfidave dhe kërcënimeve” nga Shtetet e Bashkuara të Amerikës (SHBA), njoftoi të premten media shtetërore e Phenianit zyrtar, siç raportoi agjencia koreano-jugore Yonhap.
Letra vlerësonte gjithashtu "arritjet e rëndësishme të Putinit në arritjen e qëllimit të madh strategjik për ndërtimin e një Rusie të fuqishme" përmes "aktiviteteve të tij të fuqishme", sipas Agjencisë Qendrore të Lajmeve Koreane (KCNA).
© SYRI.net