Komiteti Norvegjez i Nobelit ka vendosur t'i japë çmimin Nobel për Paqe 2022, avokatit të të drejtave të njeriut Ales Bialiatski nga Bjellorusia, organizatës ruse të të drejtave të njeriut "Memorial" dhe organizatës ukrainase të të drejtave të njeriut "Qendra për Liritë Civile".

Fituesit e këtij viti janë:

- Avokati i të drejtave të njeriut Ales Bialiatski nga Bjellorusia

- Organizata ruse e të drejtave të njeriut Memorial

- Organizata ukrainase për të drejtat e njeriut Qendra për Liritë Civile

Sipas komisionit të çmimeve:

Laureatët e këtij viti përfaqësojnë shoqërinë civile në vendet e tyre. Ata kanë promovuar për shumë vite të drejtën për të kritikuar pushtetin dhe për të mbrojtur të drejtat themelore të qytetarëve.

Ata kanë bërë një përpjekje të jashtëzakonshme për të dokumentuar krimet e luftës, abuzimet e të drejtave të njeriut dhe abuzimin me pushtetin. Së bashku ata demonstrojnë rëndësinë e shoqërisë civile për paqen dhe demokracinë.

Z. Ales Bialiatski, i cili ka fituar çmimin e paqes të këtij viti, ishte një nga nismëtarët e lëvizjes demokratike që u shfaq në Bjellorusi në mesin e viteve 1980. Ai ia ka kushtuar jetën e tij promovimit të demokracisë dhe zhvillimit paqësor në vendin e tij.

Ai themeloi organizatën Viasna (Pranvera), @viasna96, në 1996.  Viasna u rrit si një organizatë me bazë të gjerë të të drejtave të njeriut që dokumentoi dhe protestoi kundër përdorimit të torturës nga autoritetet kundër të burgosurve politikë.

Autoritetet qeveritare janë përpjekur vazhdimisht t’i mbyllin gojën e Ales Bialiatskit. Që nga viti 2020, ai është ende në paraburgim pa gjyq. Pavarësisht vështirësive të jashtëzakonshme personale, z. Bialiatski nuk është dorëzuar asnjë moment nga lufta e tij për të drejtat e njeriut dhe demokraci në Bjellorusi.

BREAKING NEWS:
The Norwegian Nobel Committee has decided to award the 2022 #NobelPeacePrize to human rights advocate Ales Bialiatski from Belarus, the Russian human rights organisation Memorial and the Ukrainian human rights organisation Center for Civil Liberties. #NobelPrize pic.twitter.com/9YBdkJpDLU

— The Nobel Prize (@NobelPrize) October 7, 2022