Lajmi i fundit

ÇIM PEKA LIVE/ Rama arreston drejtorët e Veliajt

'Mata Hari' ukrainase që josh rusët deri sa të tregojnë pozicionet e tyre

'Mata Hari' ukrainase që josh rusët deri sa të tregojnë pozicionet e tyre

11:08, 07/10/2022
A+ Aa A-

Një adoleshente ukrainase, e detyruar nga lufta të braktiste shtëpinë e saj në Kherson, ka rrëfyer së fundmi se ka hyrë në një aplikacion takimesh duke u prezantuar si ruse për të gjurmuar trupat armike dhe për të ekspozuar vendndodhjen e tyre.

Kurthi i saj ishte shumë i suksesshëm sa që një ushtar rus nisi t’i mburrej se po luftonte për të fituar para për një makinë luksoze dhe më pas i dërgoi fotografi nga një shkollë me konvikt që përdorej si bazë ushtarake. 

Ndërkohë që edhe një ushtar tjetër të cilin ajo manipuloi i tregoi një rezidencë ku ruante një oficer të lartë.

Bëmat e së resë iu ngjajnë atyre të spiunes gjermane të Luftës së Parë Botërore, Mata Hari, të dashurit e së cilës i treguan për armën e re sekrete të aleatëve, tankun.

Por adoleshentja tregon se frymëzimi i saj erdhi nga një vajzë në TikTok, e cila ishte miqësuar me një ushtar rus, të cilit i mori informacion se ku po shërbente dhe ia kaloi ushtrisë së Ukrainës.

18-vjeçarja krijoi një profil të rremë në një aplikacion takimesh ndërsa ishte nën okupim në Kherson, duke thënë se ishte një grua e re ruse që i pëlqenin ushtarakët.

Së shpejti ajo nisi bisedat me ushtarët, të cilët nisën t’i dërgonin tekste, video dhe posta zanore.

© SYRI.net

Lexo edhe:

Komentet

Shto koment

Denonco