Uashington – Zv/presidentja e SHBA, Kamala Harris, do të vizitojë të enjten, Zonën e Çmilitarizuar Koreane që ndan Korenë e Veriut dhe Korenë e Jugut në kuadrin e vizitës së saj në Korenë e Jugut, tha një zyrtar i Shtëpisë së Bardhë.

Udhëtimi i Harris do të përfshijë vizita në terren në këtë zonë, takime me anëtarët e shërbimit dhe një informim operacional nga komandantët amerikanë, tha zyrtari, duke përsëritur angazhimin e SHBA-së "për të qëndruar përkrah" Koresë së Jugut përballë "çdo kërcënimi" të paraqitur nga Korea e Veriut.

Harris, shtoi zyrtari, "do të reflektojë mbi sakrificën e përbashkët të dhjetëra mijëra ushtarëve amerikanë dhe koreanë që luftuan dhe vdiqën së bashku dhe do të riafirmojë se përkushtimi i SHBA-së për mbrojtjen e Koresë së Jugut është i hekurt".

Zona e Çmilitarizuar Koreane është një tokë e askujt 160 milje e gjatë rreth 30 milje në veri të Seulit që u krijua me Marrëveshjen e Armëpushimit të Luftës Koreane të vitit 1953. Shpesh përshkruhet si kufiri më i armatosur në botë.

Lajmi për vizitën e Harris erdhi fillimisht gjatë një takimi dypalësh mes saj dhe kryeministrit të Koresë së Jugut, Han Duck-soo, sipas gazetarëve që udhëtonin me zëvendëspresidenten teksa ajo është në krye të një delegacioni amerikan që po merr pjesë në Japoni, në funeralin shtetëror të ish-kryeministrit Shinzo Abe.

"Unë mendoj se vizita juaj në Zonën e Çmilitarizuar Koreane dhe në Seul do të jetë demonstrim shumë simbolik i angazhimeve tuaja të forta për sigurinë dhe paqen në Gadishullin Korean dhe ne po punojmë me ju dhe SHBA në marrëveshje me Korenë e Veriut,"  tha kryeministri Harris.

Njoftimi i paplanifikuar i kryeministrit dukej se i befasoi gazetarët dhe këshilltarët e Shtëpisë së Bardhë. Një zyrtar më vonë konfirmoi se ndaloheshin gazetarët.

Muajin e kaluar, Kryetarja e Dhomës së Përfaqësuesve Nancy Pelosi tha se një delegacion i Kongresit shkoi në Korenë e Jugut dhe vizitoi Zonën e Çmilitarizuar Koreane.

Pelosi tha se delegacioni ishte "i nderuar të pritej" në një takim parlamentar "ku rikonfirmuam angazhimin tonë ndaj aleancës SHBA - Kore" dhe "ishim të kënaqur të  hynim në një takim telefonik me Presidentin e Koresë, Yoon Suk-yeol".