Zyrtari që provokoi hetimin federal për mënyrën se si i ka trajtuar dokumentet e klasifikuar ish-presidenti Donald Trump, zgjodhi të mos bënte të njëjtën gjë me skandalin e email-eve të Hillary Clinton.

Kështu raporton rrjeti amerikan, Fox News.

David Ferreiro, që shërbeu si drejtor i Arkivës Kombëtare dhe Administratës së Regjistrave (NARA) që nga viti 2009 deri kur doli në pension në prill sivjet, tha në një letër për Kongresin Amerikan se stafi i tij kishte nisur të komunikonte me Departamentin e Drejtësisë në fillim të këtij viti.

Në janar, Trump ktheu 15 kuti me dokumente te NARA, pasi agjencia e kishte njoftuar se materialet i përkasin qeverisë.

Pas negociatat për dokumente të tjera shtesë dështuan mes ekipit të Trump dhe hetuesve federalë, Departamenti i Drejtësisë siguroi një mandat kontrolli dhe të hënën agjentët e FBI bastisën shtëpinë e Trump.

Megjithatë, Ferreiro mbajti një qëndrim të ndryshëm në vitin 2015, kur republikanët e Komisionit Gjyqësor të Senatit e pyetën nëse e kishte njoftuar Departamentin e Drejtësisë në lidhje me hetimin për fshirjen e email-eve nga Clinton gjatë kohës kur ishte Sekretare Shteti.

Ferriero tha se nuk besonte se ishte e nevojshme që të njoftonte Departamentin e Shtetit për mungesën e email-eve.

Skandali i email-eve të Clinton shpërtheu pas raportimeve se gjatë kohës që ajo ishte Sekretare e Shtetit, përdori serverin e një email-i privat në shtëpinë e saj në vend të email-it qeveritar.

Pas një hetimi për sulmin në ambasadën amerikane në Libi u mësua se Clinton kishte fshirë të gjithë email-et në serverin privat pasi kishte lënë detyrën.