Hagë, Holandë  - Gjykata Ndërkombëtare Penale shënoi 20-vjetorin e themelimit të saj të premten, ndërsa prokurorët e saj hetojnë krimet e luftës në vende anembanë botës, përfshirë atë që një ekspert e quajti një hetim "bëje ose prishe" mbi Ukrainën.

Gjykata, e kritikuar prej kohësh për trajtimin e krimeve vetëm në Afrikë dhe përndjekjet e dështuara ndaj liderëve të lartë në Kenia dhe Bregun e Fildishtë, tani ka hetime në 17 vende, nga Afganistani deri në Ukrainë, megjithëse shumicën e rasteve në Afrikë.

David Crane, kryeprokurori themelues i Gjykatës Speciale për Sierra Leonen që dënoi ish-presidentin liberian Charles Taylor dhe të tjerë si kriminelë lufte, tha se GJNP me bazë në Hagë është një institucion ligjor vendimtar pavarësisht disa kritikave për punën e saj.

“Gjykata Penale Ndërkombëtare është tani gurthemeli i mënyrës sesi ne trajtojmë krimet mizore në nivel ndërkombëtar”, tha Crane për Associated Press. “Me agresionin e Federatës Ruse kundër Ukrainës, GJNP-ja duhet të bëjë që të japë llogari, presidenti Vladimir Putin.”