Forcat ruse po fitojnë një avantazh në Ukrainën lindore pasi mësojnë nga gabimet e bëra gjatë fazave të mëparshme të pushtimit të vendit, duke përfshirë koordinimin më të mirë të sulmeve ajrore dhe tokësore dhe përmirësimin e linjave logjistike dhe furnizimit,janë shprehur dy zyrtarë amerikan për CNN.

SHBA nuk pret që sistemet e reja të armëve të furnizuara kohët e fundit për forcat ukrainase, duke përfshirë sistemin e lëshimit të shumëfishtë të raketave HIMARS, të ndryshojnë menjëherë situatën në fushën e betejës pjesërisht sepse ato sisteme deri më tani janë dërguar me një rreze të kufizuar dhe një numër të kufizuar raketash, për t’u siguruar që ato të mos hidhen në territorin rus.

 Për më tepër, forcat ruse kanë qenë në gjendje të shkatërrojnë disa nga armët e reja të furnizuara nga Perëndimi, duke përfshirë obuset M777, në sulme të synuara.

Vlerësimet që vijnë nga SHBA të cilat parashikojnë gjithnjë e më shumë një betje të gjatë dhe ndëshkuese të Ukrainës lindore, vijnë pas lufta disa mujore atje ka arritur në një moment kyç, ditëve të fundit.

 Ushtria e Ukrainës ka djegur municione të epokës sovjetike që i përshtaten sistemeve të vjetra dhe qeveritë perëndimore po përballen me një vendim të ashpër nëse duan të vazhdojnë të rrisin ndihmën e tyre për vendin.

Vlerësimet e SHBA-së japin një imazh të zymtë të së ardhmes së luftës, me humbje të larta të personelit dhe pajisjeve nga të dyja palët. Zyrtarët amerikanë besojnë se forcat ruse planifikojnë të mbajnë sulme intensive në lindje, të karakterizuara nga sulme të rënda artilerie dhe raketash, me synimin për të shtypur forcat ukrainase dhe vendosmërinë e NATO-s me kalimin e kohës.

Në dy ditët e fundit, rusët kanë avancuar në disa fshatra në jug të Lysychansk, por jo pa pësuar humbje nga zjarri i artilerisë ukrainase.

Në javët e ardhshme, presidenti ukrainas Volodymyr Zelensky do të flasë virtualisht në samitet e ardhshme të G7 dhe NATO-s , kanë thënë zyrtarë të lartë të administratës amerikane, ku do të kërkojë mbështetjen nga Perëndimi dhe SHBA për vendin e tij.