Presidenti Emmanuel Macron ka përjashtuar mundësinë e krijimit të një qeverie të unitetit kombëtar për momentin. Kreu i Elizesë arriti në këtë përfundim pas konsultimeve me liderët e partive franceze.

“Shumica e palëve nuk është dakord me këtë mundësi. Mënyra, kërkimi për një shumicë më të gjerë dhe më të qartë për të vepruar është ende mbi tavolinë”, deklaroi Presidenti.

Duke iu drejtuar vendit për herë të parë pas humbjes në zgjedhjet legjislative të së dielës, ai tha se “në këtë moment, ne të gjithë së bashku duhet të mësojmë të qeverisim në një mënyrë tjetër. Krijimi i kompromiseve të reja në dialog, në dëgjim, në respekt është ajo që ju doni, dhe unë do ta mbaj parasysh atë”, njoftoi kryesuesi i Elysee.

Ndërsa shprehu besimin për përgjegjësinë e të gjithëve, Macron tha se kjo mënyrë dhe konfigurim i ri duhet të fillojë që në momentin e kthimit nga samiti europian në Bruksel.