Kompanitë greke të trageteve e rritën çmimin e biletave për shumicën e linjave për herë të dytë këtë vit, duke përmendur koston e lartë të karburantit. Çmimet e reja hynë në fuqi më 15 qershor.

Çmimet e reja variojnë mesatarisht nga 5% në 10%, ndërsa rritja e mëparshme në prill 2022 arriti mesatarisht 10 deri në 12%.

Sipas drejtuesve të industrisë së transportit bregdetar, kostot operative të trageteve janë rritur me 70%.

Një traget pasagjerësh në linjën Pire - Chania ka nevojë për rreth 33 tonë karburant në ditë për të kryer këtë linjë.

Sot, vaji i karburantit me squfur shumë të ulët (VLSFO) i përdorur në anijet është 1,264 dollarë për ton nga 480 dollarë vitin e kaluar.

Kështu, një anijeje në këtë linjë do t'i nevojiten 41,250 euro vetëm për karburant në çdo rrugë, nga 15,840 euro që nevojiteshin rreth një vit më parë, thanë drejtuesit.

“Ne kishim thënë se 2022 do të ishte viti i parë kur do të ktheheshim në normalitet, por më pas erdhi lufta Rusi-Ukrainë, e cila ka katapultuar kostot e energjisë për anijet muajt e fundit”, tha një zyrtar i tregut të anijeve për agjencinë e lajmeve AMNA dhe rritje të reja mund të priten për disa linja lundrimi që nga 1 korriku.