Të paktën dhjetë persona kanë humbur jetën dhe 20 janë të zhdukur si pasojë e uraganit Agatha, i cili goditi shtetin meksikan të Oaxaca.
Guvernatori i Oaxaca-s, Alejandro Murat tha se lumenjtë u vërshuan si pasojë e uraganeve dhe rrëshqitjeve të dheut.
"Fatkeqësisht, dhjetë persona u vranë dhe 20 u zhdukën”, tha Murat.
Mbrojtja Civile e Oaxaca-s deklaroi se dëme të mëdha materiale u shkaktuan veçanërisht në rajonin e Sierra Sur pas kalimit të uraganit.
Ata thanë se numri i të vdekurve mund të rritet.
Uragani, i cili lëvizte me një shpejtësi prej 140 deri në 170 kilometra në orë nga bregu i Oaxaca, krijoi valë gjashtë deri në tetë metra të larta.
Koordinimi Kombëtar i Mbrojtjes Civile (CNPC) tha se më shumë se 70,000 njerëz në shtetet e Oaxaca dhe Veracruz u prekën nga uragani.
Qeveria meksikane ka njoftuar se një alarm portokalli është në fuqi në 294 qytete në shtetet Oaxaca dhe Chiapas në jug të vendit.
© SYRI.net