Anthony Albanese do të jetë kryeministri i ardhshëm i Australisë, sipas parashikimeve nga tre rrjetet kryesore të lajmeve.

Korporata Australiane e Transmetimeve, 7 News dhe Sky News Australia kanë dhënë rezultatet edhe pse votat  ende po numërohen.

Anthony Albanese do të bëhet kryeministri i parë i Australisë nga një prejardhje jo anglo-keltike.

Një nga politikanët më jetëgjatë në Australi, Albanese është shprehur se është koha që parlamenti të reflektojë mbi ‘Australinë moderne’

 duke përmendur gjithashtu fillimet e tij modeste si fëmijë në banesat publike.

Albanese gjithashtu ka fituar një reputacion si mbrojtës i sistemit të kujdesit shëndetësor falas të Australisë, një avokat i komunitetit LGBT,  dhe një tifoz i pasionuar i ligës së regbit.

Kush është Anthony Albanese?

59-vjeçari me nofkën “Albo” është rritur në banesat sociale nga një nënë beqare me pension invaliditeti. Ai shpesh e ka përmendur edukimin e tij si bazë për mendimet e tij përparimtare.