Politikani rus Frants Klintsevich ka pohuar se përparimi i ngadaltë i vendit të tij në Ukrainë po ndodh për shkakun se forcat e Moskës po luftojnë kundër ushtarëve "me të njëjtin mentalitet si yni", njofton BBC.
Duke folur në televizionin shtetëror rus, Klintsevich tha se "operacioni special ushtarak" i Rusisë po përparonte "me mjaft vështirësi" dhe duke shtuar se ai nuk donte të ofendonte askënd, e quajti ushtrinë e Ukrainës "një nga ushtritë më të forta dhe më të stërvitura".
"Operacioni i posaçëm ushtarak i Rusisë është duke vazhduar, le të themi, me mjaft vështirësi, - tha Klintsevich. - Unë nuk dua të ofendoj asnjë njeri, në asnjë rrethanë. Unë kam kaluar shtatë vjet duke luftuar, por kjo luftë dhe shpresoj që ushtarët tanë të mos fyhen, është ndryshe nga lufta që ne patëm në Afganistan dhe në Kaukaz sepse ne jemi duke luftuar me një nga ushtritë më të forta dhe më të stërvitura. Ne jemi duke luftuar kundër oficerëve dhe ushtarëve rusë, me ekzaktësisht me të njëjtin mentalitet si yni,” theksoi ai.
Russian senator Frants Klintsevich has an ingenious new excuse for his country's slow progress in Ukraine
— Francis Scarr (@francis_scarr) May 19, 2022
He says Ukraine's army is "one of the strongest and best-trained" because it's comprised of "Russian soldiers and officers with exactly our mentality"
(with subtitles) pic.twitter.com/TgYqbLX5BW
© SYRI.net