Shtetet e Bashkuara do t'i kërkojnë sqarime Turqisë për kundërshtimin ndaj anëtarësimit të Suedisë dhe Finlandës në NATO në një takim këtë fundjavë.
Të premten, presidenti i Turqisë Rexhep Tajip Erdogan tha se vendi i tij "nuk është pro" bashkimit të vendeve nordike me aleancën.
Komentet e tij treguan se Turqia mund të përdorë anëtarësimin e saj në NATO për të vënë veton ndaj lëvizjeve për të pranuar të dy vendet.
Sekretarja e shtypit e Shtëpisë së Bardhë, Jen Psaki tha se Uashingtoni "po punon për të sqaruar pozicionin e Turqisë" dhe beson se ka "mbështetje të gjerë" midis anëtarëve të NATO-s që të dy vendet të bashkohen.
Të dy vendet u nxitën të rishikonin traditat e tyre të mos-angazhimit ushtarak për shkak të luftës në Ukrainë.
Sekretari amerikan i shtetit, Antony Blinken, është planifikuar gjithashtu të takohet këtë fundjavë me homologët e tij në aleancë, përfshirë dhe ministrin e jashtëm turk.
© SYRI.net