Princi Harry mendon se familja e tij nuk është e sigurt ndërsa qëndron në MB.
Ai po ashtu ka thënë se do të inicojë padi kundër qeverisë nëse nuk i sigurohet mbrojtja adekuate.
Në vitin 2020, Harry dha dorëheqjen nga detyrat e tij mbretërore dhe u transferua me familjen e tij në Amerikën e Veriut.
Ai aktualisht paguan për sigurinë private, por avokatët e tij thonë se ai ka nevojë për më shumë mbrojtje kur qëndron në atdheun e tij, sepse ai dhe anëtarët e familjes së tij janë të ekspozuar ndaj kërcënimeve neo-naziste dhe ekstremiste.
"Në janar 2020, ai ofroi të paguante për mbrojtjen e policisë britanike për Meghan, Lilibet Diana, Archie dhe veten e tij. Megjithatë, propozimi i tij u refuzua. Ai është ende i gatshëm të mbulojë shpenzimet," tha avokati në një deklaratë.
Siguria e Princit Harry u kërcënua nga mungesa e mbrojtjes policore gjatë vizitës së tij të fundit në MB në korrik, thanë avokatët.
Ata shkruan gjithashtu se Britania e Madhe do të jetë përgjithmonë shtëpia e tij, por se çdo vizitë e tij mbart shumë rrezik.
© SYRI.net