Lajmi i fundit

Afera e inceneratorëve/ Klodian Zoto dhe Stela Gugallja shpallen në kërkim ndërkombëtar

Franca po i afrohet ndëshkimit me burg për poshtërimet në shkolla

Franca po i afrohet ndëshkimit me burg për poshtërimet në shkolla

14:18, 03/12/2021
A+ Aa A-

Deputetët francezë kanë miratuar një ligj të ri që do të kriminalizojë poshtërimin në shkollë dhe do të sigurojë trajnime të mëtejshme për mësuesit për të parandaluar ngacmimet.

Legjislacioni i propozuar do ta bëjë poshtërimin e fëmijëve në shkollë një vepër penale specifike, për të cilën mund të akuzohen si nxënësit edhe personeli i shkollës.

Ata që shpallen fajtorë mund të përballen me gjoba deri në 45,000 euro dhe tre vjet burg nëse poshtërimi e detyron një nxënës të humbasë shkollën ose të punojë deri në tetë ditë.

Por dënimet mund të rriten deri në dhjetë vjet burgim dhe një gjobë prej 150,000 eurosh  nëse viktima kryen vetëvrasje ose tenton të kryejë vetvrasje.

Kompanitë e mediave sociale do të kenë gjithashtu një "detyrë si vigjilues" për të hequr përmbajtjen ngacmuese, thanë deputetët.

Presidenti Emmanuel Macron ishte zotuar ta forcojë reagimin e shtetit ndaj poshtërimit duke u dhënë më shumë mbështetje prindërve dhe duke rritur numrin e vendeve ku të rinjtë mund të dëgjoheshin.

Projektligji u miratua nga një shumicë e dhomës së ulët në leximin e parë në Asamblenë Kombëtare Franceze të mërkurën. Ligji tani shkon në Senatin francez, ku do të votohet në një seancë tjetër parlamentare në shkurt.

© SYRI.net

Lexo edhe:

Komentet

Shto koment

Denonco