VIDEO/ Masakra në Miçigan: Publikohet momenti kur i riu që vrau tre nxënës u përpoq...

VIDEO/ Masakra në Miçigan: Publikohet momenti kur i riu që vrau tre nxënës u përpoq...

08:31, 01/12/2021
A+ Aa A-

Një video e publikuar nga mediat e huaja thuhet se tregon momentin kur studentët shihen duke u strukur teksa një person i armatosur 15-vjeçar, i cili e identifikoi veten si zëvendës i një sherifi, qëlloi për vdekje tre nxënës në një shkollë të mesme në Miçigan, duke plagosur tetë të tjerë, përfshirë një mësues.

Sipas mediave të huaja, përcjell Telegrafi, pamjet rrëqethëse të kapura nga një student tregojnë shokët e klasës të grumbulluar nën tavolina brenda një klase të barrikaduar ndërsa një vrasës i armatosur – i cili tashmë kishte filluar aksionin e tij – endet nëpër sallat, duke u përpjekur të bindë viktimat e mundshme se ishin të sigurt të dilnin nga aty.

Studentët shkëmbyen shikime ndërmjet tyre ndërsa njëri pëshpëriti “ai tha se është e sigurt të dalim”.

Por një shok klase skeptik nuk pranoi të hapte derën, duke thënë: ‘Ne nuk jemi të gatshëm ta marrim atë rrezik tani’.

Presidenti amerikan Joe Biden u përgjigj ndaj incidentit me të shtëna të martën pasdite, duke thënë se “zemra ime është me familjet që durojnë pikëllimin e paimagjinueshëm të humbjes së një njeriu të dashur”.

Image

Një vajzë adoleshente që i mbijetoi të shtënave aktualisht po lufton për jetën e saj, sipas Zyrës së Sherifit të Qarkut Oakland.

Ndërkohë, sulmuesi i dyshuar, u arrestua brenda pesë minutave nga telefonata fillestare, tha policia dhe shtoi se një oficer në vendngjarje ndihmoi në kapjen e tij.

Policia tha në një përditësim të martën pasdite se adoleshenti mund të gjykohet si i rritur për vdekjen e një djali 16-vjeçar dhe dy vajzave, 14 dhe 17 vjeçe.

Mbi 20 të shtëna u qëlluan nga adoleshenti me operatorët e emergjencës që morën më shumë se 100 telefonata të furishme.

Masa studentësh të shtangur, disa duke qarë dhe të tjerë të grumbulluar së bashku, dolën nga shkolla pas masakrës.

Masakra në shkollën e Miçiganit: Arrestohet një 15-vjeçar, tre të vdekur, gjashtë të plagosur

Autori i sulmit tragjik në Miçigan, SHBA është një  15-vjeçar.

Nxënësi 15-vjeçar qëlloi me armë zjarri brenda shkollës së tij në një qytet të Miçiganit, duke vrarë tre nxënës dhe duke plagosur gjashtë të tjerë.

Autori, nxënës i gjimnazit të Oksfordit, u arrestua, por nuk dha asnjë shpjegim për aktin e tij, tha Michael Mccabe, një zëdhënës i policisë lokale.

"Mund t'ju them se ai qëlloi disa herë ," tha polici, duke shtuar se autori përdori një pistoletë gjysmë automatike.

Policia po vijon kontrollin e ambienteve të shkollës.

Image

Një nxënëse, e cila foli për "Fox2Detroit", tha se shkolla kryen rregullisht ushtrime për t'u përgatitur për  incidente të tilla dhe të gjithë e dinin se çfarë të bënin.

Një prind, i cili po priste jashtë në makinën e tij, tha se djali i tij ishte fshehur në një dhomë kur u dëgjuan të shtënat e armëve,  dhe se ai nuk ishte lënduar.

 

 

© SYRI.net

Lexo edhe:

Komentet

Shto koment

Denonco