Kjo është fotoja e parë e gomones me të cilën po udhëtonin emigrantët që u mbytën në Kanalin e La Manshit. Të paktën 27 persona u mbytën teksa po kalonin nga Franca drejt Anglisë.
Gomonia e shfryrë plotësisht u fotografua nga kapiteni i një anije shpëtimi që mbërriti për të gjetur trupat duke pluskuar mbi ujë.
Kjo është tragjedia më e rëndë e emigrantëve në historinë franko-angleze.
Dy vendet janë angazhuar se do të luftojnë trafikun ilegal të emigrantëve, por mediat e dy vendeve kanë nisur një përplasje për të gjetur fajtorin.
“Si mund t’i linit që të kalonin detin me këtë gjë,” shkruan britanikja Daily Mail, duke postuar foton e gomones. Sipas saj, fajtor është presidenti francez, Emmanuel Macron që nuk kontrollon mjetet që nisen nga territori i tij.
Mësohet se gomonia u godit nga një anije-kontenier, e cila shpoi trupin e saj të hollë prej gome. Pesë persona janë arrestuar për ngjarjen e rëndë.
Mendohet se viktimat, mes tyre 7 gra dhe 3 fëmijë, ishin irakianë dhe kurdë.
© SYRI.net