Fakti i ‘ruletës ruse’ me COVID-19 filloi të vërehej në Rusi pasi u bë e njohur në media sociale.
Një shembull i kësaj është dhe historia e një gruaje 42 vjeçare në kryeqytetin rus, Moskë.
Sipas shokut të saj doktor Pavel Brant i cili e njihte gruan që humbi jetën, 42 vjeçarja preferoi të infektohej me covid-19 për të mos u vaksinuar dhe vizitoi të afërmit e saj të cilët po e kalonin sëmundjen me simptoma të lehta.
Gruaja që u infektua qëllimisht me virusin më pas infektoi dy vajzat dhe burrin e saj.
Pas disa ditësh gjendja e vajzës 9 vjeçare dhe gruas u përkeqësuan.
9 vjeçarja u dërgua në spital dhe më pas u intubua.
Ndërsa gruaja, e cila preferoi ta kalonte sëmundjen duke qëndruar në shtëpi, ndërroi jetë pak ditë më vonë në spital.
Vetëm burri dhe vajza e madhe e gruas e kaluan lojën e egër me virusin pa simptoma.
Kur sjelljet e ngjashme filluan të rriteshin mes njerëzve një ekpsert i sëmundjeve infektive të Akademisë së Shkencave Ruse, filloi të paralajmërojë publikun ditën e djeshme.
Duke theksuar se lojëra të tilla nuk mund të luhen me koronavirusin, ai tha:
“Unë paralajmëroj popullin tonë. Ju nuk mund të luani lojëra me këtë virus. Ky nuk është fruthi. Mos harroni faktin se një sëmundje shumë e lehtë apo edhe asimptomatike në një mund të çojë në vdekje tek të tjerët'. Personat që e bëjnë këtë mund të përballen me dënimin deri në burg," .
Në Rusi, dje u thye një rekord i ri i të gjitha kohërave në epideminë e koronavirusit.
Sipas shifrave të shpallura nga qendra epidemike, në 24 orët e fundit u zbuluan 40 mijë e 933 raste të reja ndërsa vdekjet nga COVID-19 në Rusi gjithashtu vazhdojnë të jenë në nivele të larta.
© SYRI.net