Prodhuesi amerikan i barnave Merck njoftoi se agjencia rregullatore e Bashkimit Evropian EMA ka nisur vlerësimin e ilaçit eksperimental, të asaj kompanie, për COVID-19.

EMA ka filluar vlerësimin e parë të vazhdueshëm të të dhënave të barnave, që do të thotë se do të vlerësojë të dhënat sapo të bëhen të disponueshme, në vend që të presë për një aplikim zyrtar pasi të jenë mbledhur të gjitha të dhënat.

Studimet e Merck tregojnë se ilaçi molnupiravir redukton shtrimet në spital dhe vdekjet me rreth 50 për qind për shkak të Covid-19.

Merck, i cili po zhvillon molnupyvir me partnerin e tij "Ridgeback Biotherapeutics", paraqiti një kërkesë për përdorim urgjent të ilaçit tek rregullatori amerikan më 11 tetor.

Një grup këshilltarësh të jashtëm të rregullatorit të shëndetit të SHBA do të takohen në fund të nëntorit për të diskutuar autorizimin e një ilaçi eksperimental antiviral.

Molnupiravir, nëse miratohet nga autoritetet rregullatore, do të ishte ilaçi i parë oral kundër Covid-19, si dhe trajtimi i parë për njerëzit me simptoma të lehta, ndërsa barnat ekzistuese përdoren kryesisht për trajtimin e pacientëve me sëmundje kritike.

Merck ka një kontratë me Shtetet e Bashkuara për të shitur ilaçe të mjaftueshme për 1.7 milion njerëz, me një trajtim me Merck që kushton 700 dollarë.

Merck gjithashtu nënshkroi së fundi marrëveshje me Britaninë e Madhe, Malajzinë, Singaporin dhe vende të tjera.

Një zyrtar i BE-së i tha Reuters në fillim të këtij muaji se Unioni po konsideronte gjithashtu nënshkrimin e një kontrate me Merck, por do ta bënte këtë vetëm pasi kompania të kërkonte miratimin për ilaçin e saj.